Magaalooyinka waawayn ee Suudaan, waxaa ka socda dagaallo aan waxba la isku reeban, taasi oo dadka ugu badan ee dhibbanaha u ah ay yihiin dadka muslimiinta ah ee rayidka ah.
Gaajada iyo xanuunada ayaa ka mid ah arrimaha laga dhaxlay colaadda ka taagan dalka Suudaan, taasi oo tirakoobyadii u dambeeyay ee soo baxaya ay xaqiijinayaan in gobolka ay kutaallo caasimadda waddankaasi ay macluul ugu dhinteen dhowr qof oo caruur Suudaaniyiin ah.
Kooxda gurmadka degdega ah ee ka howlgasha Umudurman, gaar ahaan galbeedka Umu Badda ee Khartoum, ayaa warbaahinta maxaliga ah u sheegay in kaliya bishan Oktoobar la diiwaangeliyay 6 dhimasho iyo 30 kiisas cusub ah, kuwaasi oo la ildaran nafaqo-xumo, carruurtan ayaana ku nool xaafadda Daaru-salaam.
Xubin ka tirsan kooxda gurmadka degdegga ah ee kiisaskan kasoo diiwaan geliyay xaafadda Daaru-salaam ayaa warbaahinta gudaha Suudaan u sheegay in xafiiskiisu helay warbixinno cusub oo muujinaya dhimashada 6 caruur ah iyo 30 kiis oo cusub oo nafaqo-xumo la ildaran, kuwaas oo ay ka mid yihiin 12 haween ah.
Xubnaha ka howlgala xarumaha caafimaadka waxay ka cabanayaan gabaabsiga dawooyinka, waxay na sheegeen inay jiraan caqabado soo food saaray xarumaha caafimaadka, kuwaas oo ay ka mid yihiin yaraanta qalabka baaritaanka caafimaad, inay gabaabsi yihiin cirbadaha, iyo daawooyinka duumada, kuwaas oo aan la heli karin.
Gaajada iyo xanuunada ay la ildaranyihiin dadka shacabka ah waxaa dhinac socda xasuuqyada, waxaana ugu dambeeyay dhacdadii lagu dilay inka badan 124 qof oo shacab muslimiin ah, kuwaas oo ay hal goob ku dileen murtazaqada Imaaraadku ku adeegto ee Dacmu-sariic loogu yeero.
About The Author
