Wararka ka imaanaya duleedka magaalada Wajeer ee ka tirsan dhulka NFD ee ku hoos jira gumeysiga dowladda Kenya, ayaa sheegaya in la helay maydka ganacsade Soomaaliyeed.
Maydka ayaa maanta la xaqiijiyay in laga soo saaray harada Yahuud lagu magacaabo ee kutaal duleedka Wajeer, waxaana ninkan oo lagu magacaabi jiray Mahad Cali Geeddi oo ganacsade ahaa maydkiisa la dhigay mid ka mid ah cisbitaallada magaaladaasi.
Ilo wareedyo deegaanka ah ayaa sheegay in ninkan la waayay shalay, lagana afduubtay goobtiisa shaqo oo kutaal gudaha magaalada Wajer, lama shaacin cidda afduubka kula kacday iyo sababta keentay in laga soo saaro isagoo mayd ah harada Yahuud.
Dhalinyaro ka caraysan falkan ka dhanka ah ganacsadaha maydkiisa la helay ayaa gelinkii dambe ee maanta isku soo baxyo ka dhigay gudaha magaalada Wajeer, waxayna taayirro ku gubayeen waddooyinka iyaga oo sidoo kale dhagxaan ku xirtay waddooyin muhiim ah.
Harada lagu magacaabo Yahuud ee kutaal duleedka magaalada Wajeer, waxaa dhowr jeer sidan oo kale looga helay dad la afduubtay, kuwaas oo inta si xun loo dilo kadib maydadkooda halkaas lagu soo tuuro, hayadaha ammaanka dd dowladda saliibiyadda Kenya, ayaa lagu eedeeyaa dadka la afduubto ee maydadkooda la soo dhigo duleedyada magaalada Wajeer iyo magaalooyinka kale ee dhulka muslimiintu leeyihiin ee NFD.
About The Author
