Wararka ka Imaanaya magaalada Hargaysa ee waqooyiga Soomaaliya ayaa ku waramaya in duleedka magaaladaasi uu saaka ka dhascay shil khasaare nafeed iyo mid hantiyeed geystay.
Shilka ayaa yimid kadib markii uu gadoonmay gaari nooca raaxada ah, waxaana inta laxaqiijiyay ku dhintay ilaa laba ruux halka ay ku dhaawacmeen tira kale.
Gaariga shilka galay ayaa wararku sheegayaa in uu kasoo baxay magaalada Burco, balse uu shilka ku galay duledka Hargaysa.
Deegaanada uu ka armiyo maamulka ridada Soomaaliland ayaa waxaa mudooyinkii danbe kusoo badanayay shilalka gawaari waxaana sanadkii lasoo dhaafay ka dhacay kumanaan shilal ah oo ay dhimasho iyo dhaawac ku noqdeen kumanaan ruux.
Booliska Soomaaliland ayaa sheegay in sanadkii lasoo dhaafay oo kaliya ay dhaceen ilaa 7,18 shil kuwaas oo ay ku dhinteen dad gaaraya 188 qof, iyadoo 4,454 ay ku dhaawacmeen, sidoo kalena ay 528 neef oo xoolo ku waxyeeloobeen.
About The Author
