Markii ugu horraysay dowladda Ereteriya ayaa ka jawaabtay goodiskii dagaalka ku baaqayay ee uga yimid Jeneraal sare oo katirsan dowladda Xabashida Itoobiya.
War rasmi ah oo kasoo baxay xukuumadda Asmara ayaa lagu sheegay in aan loo dulqaadan doonin hadallada xanafta leh ee kasoo yeeraya xukuumadda Addis Ababa.
Yemane Gebremeskel oo ah wasiirka wasaaradda warfaafinta Ereteriya ayaa sheegay in ifafaale colaadeed oo sababi kara dagaal lagu hoobto uu ka muuqdo geeska afrika.
Wasiirkan Ereteriyaanka ah ayaa ku eedeeyay jeneraal Tasaad-kan oo katirsan melleeteriga Itoobiya in uu tumayo durbaanka colaadda islamarkaana uu cadaawad gaamurtay uqabo dowladda Ereteriya.
“waa Jeneraal laxamaasadeysan ajandayaal cadawtooyo oo ka dhan ah Ereteriya wuxuuna doonayaa in Itoobiya ay dib uqabsato dekadda magaalada Casab ee Ereteriya”ayuu yiri Yemane Gebremeskel oo ah wasiirka iclaamka xukuumadda Asmara.
Ereteriya waxay si toos ah ugu eedaysay Itoobiya in ay ku howlantahay hurinta colaad aan waqtigan loo baahneyn sida ay hadalka udhigtay.
“udiyaar garoowga dagaal wuxuu marayaa marxaladihiisi ugu dambeeyay sidaas oo ay tahay jeneraalkan iyo kuwa lamid ah ah ah waxay iska qubayaan wax u eg illinta Yaxaaska iyagoo sheeganaya in ay ka shaqeynayaan arrimaha nabadda basle niyadoodu waa in ay dagaal huriyaan cadaawadna ay u abuuraan Ereteriya”ayuu hadalkiisa sii raaciyay.
Xiisadahan colaadeed ee labadan dal ka dhax aloosan ayaa kusoo aadaya xilli dagaallo ay dib ugasoo cusboonaadeen gobolka Tigray ee waqooyiga Itoobiya, halkaas oo ay ku loollamayaan saraakiisha jabhadda TPLF oo ukala jabay laba garab.
Garabyada jabhadda Tigreega ayaa lakala safan Abiy Axmed iyo Afawarki waana aag kale oo soo dedejin kara dagaal lagu hoobto oo dhaxmara labadan dowladood.
About The Author
