Howlgallada barakaysan ee ay ciidamada Xarakada Shabaabul Mujaahidiin ka wadaan labada Shabeelle, Hiiraan iyo Banaadir ayaa cabsi iyo argagax daran ku riday gaalada caalamiga ee duullaanka saliibiga kusoo qaaday Somalia.
Wargayska caanka ee lagu magacaabo The New York Times ayaa daabacay maqaal dheer oo uu kaga hadlayo duullaanka Maraykanku kaga jiro Somalia iyo joogitaanka xukuumadda Washington ee waddanka.
Wargaysku wuxuu tilmaamay in ay jireen shirar u dhaxeeyay saraakiisha maamulka Trump, kuwaas oo looga hadlayay xaaladda Soomaaliya, inkastoo aysan natiijo rasmi ah kasoo bixin kulamadan haddana waxay soo bandhigtay soo jeedinnada qaar ka mid ah saraakiisha Trump ee ka qayb galay shirarka.
Saraakiil ka tirsan maamulka Trump ayaa sheegay in horumarka ciidan ee ay mujaahidiintu sameynayeen todobaadyadii lasoo dhaafay uu abuuray walaac daran, sidaas darteedna ay soo jeedinayaan in la xiro oo albaabada la isugu dhufto safaaradda ay ku leeyihiin Xalane.
Waxay sidoo kale saraakiishan ka tirsan maamulka Trump, gaar ahaanna ka tirsan wazaaradda arrimaha debadda ay soo jeediyeen si loo sugo ammaanka loo baahan yahay in lasoo daadgureeyo oo meesha laga soo saaro inta badan shaqaalaha safaaradda.
Saraakiil kale oo ka tirsan maamulka Trump, si gaar ahna u qaablisan golaha Amniga qarankiisa, ayaa sheegay inay dhankooda walaacsan ka qabaan in la xiro safaaradda, waxay sheegeen inay tallaabadaasi keeni karto inay lunto kalsoonida ay ku qabaan kooxda Riddada Soomaaliya, horseeddana in uu burbur degdeg ah ku yimaado kooxda murtad Xassan Gurguurte.
Waxay muujinayaan saraakiishan kale in haddii safaarada si rasmi ah loo xiro ay dhici karto wax la mid ah wixii ka dhacay Kaabuul oo ay si deg deg ah ku burburto kooxda Riddada Soomaaliya, halka saraakiisha kalena ay sheegeen in dagaalka aan dhammaadka lahayn ee dowladdoodu kaga jirto Soomaaliya aysan wax dan ah ugu jirin, Soomaaliyana aysan ahayn meel muhiim ah oo dan u ah Mareykanka, sida ay hadalka u dhigeen.
Maureen Farrell, oo ahayd masuulka ugu sarreeya siyaasadda qaarada Afrika ee Pentagon-ka maamulkii Biden, ayaa dhankeeda sheegtay in aysan jirin xal ciidan oo ay uga hortagi karaan Xarakada Mujaahidiinta Al-shabaab.
Maraykanka ayaa hadda xaalad quus ah ka jooga Soomaaliya, kooxda Ridada ee uu madaxa u yahay murtad Xassan Gurguurte ayaa sannadkaan sheegtay inay waysay lacag dhan 1.5 Bilyan oo dollar oo uu Maraykanku ku siin jiray la dagaallanka islaamka iyo ehelkiisa, si gaar ahna ugu maalgelin jiray Danab oo ah murtazaqo uu Maraykanku ku adeegto.
Dowladda Maraykanku waxay sidoo kale horay u diiday inay ka mid noqoto dowladaha maalgelinaya isbahaysiga kuffaarta Afrikaanta, iyada oo si cad u diiday qaraarkii urur gaaleedka qaramada Midoobay ee lagu qiimeeyay maalgelinta howlgalka ashahaada la dirirka ah ee kuffaarta Afrikaanta ee Soomaaliya.
About The Author
