Warar faahfaahsan ayaa kasoo baxaya shilal khasaare gaystay oo ka dhacay deegaanno ka tirsan dalka Kenya oo ka mid ah waddamada dhaca Africa ee ay ka dhacaan shilalka lagu dhamaado.
Shilka koowaad oo ka dhacay waddo weyn oo isku xirta Bomet iyo Kisii, ayaa la xaqiijiyay inay ku dhaawacmeen inka badan 20 xubnood oo Kenyaan ah oo kusii jeeday deegaan dhaca ismaamulka Bomet.
22 qof oo rakaab ah oo la socday gaari noociisu Bas yahay ayaa la xaqiijiyay in ay ku dhaawacmeen shilkan baabuur, sida uu sheegay taliyaha ciidamada Booliiska saliibiyiinta Kenya ee Ismaamulka Bomet.
Wuxuu sheegay in gaariga shilka galay uu waddada ka baxay si uu isaga ilaaliyo baabuur kale oo ku soo wajahnaa, taasi oo keentay in shilka galo sida uu hadalka u dhigay, waxaa dadka shilka ku dhaawacmay la geeyay Kaplong oo ah cisbitaal kuyaal ismaamulka Bomet.
Dhanka kale, dhowr xubnood oo rakaab ah ayaa lasoo wariyay inay soo gaareen dhaawacyo kala duwan kaddib markii uu shil galay gaari Bas ah oo ku sii jeeday magaalada Kisii.
Shilka ayaa si gaar ah uga dhacay tuulo lagu magacaabo Nyamarambe, dadka halkaas ku dhaawacmay ayaa si la mid ah shilka koowaad loola cararay xarun caafimaad si xaaladdooda loola tacaalo.
Kenya waxay ka mid tahay dalalka dhaca bariga Africa, si joogta ah ayuuna dalkan u martigeliyaa shilalka gaadiidka, sannadkiina waxaa lasoo diiwaan geliyaa dhimashada iyo dhaawaca kumannaan qof oo Kenyan u badan.
About The Author
