Waxa loogu yeero Jerusalem Center for Security and Foreign Affairs oo ah machad cilmi-baariseed oo Yahuuddu ay leedahay isla markaana diiradda saara, kuna takhasusay arrimaha amniga iyo siyaasadd arrimaha dibadda ayaa warbixin uu soo saaray ku sheegay in kooxda Ridaad Somaliya looga adkaaday dagaalkii ay kula jirtay mujaahidiinta Al-Shabaab.
Machadkan oo magaciisa loo soo gaabiyo JCFA lana aasaasay1976-kii, ayaa xusay in ciidamada mujaahidiinta ay haatan qarka u saaran yihiin in gebi ahaanba ay la wareegaan dalka Soomaaliya. Isla markaana usbuucyada soo aaddan la filan karo isbadal guud uu ku yimaada talada maamul ee waddanka .
Daraasaddan ay Yahuuddu soo saartay ayaa lagu sheegay in marka ay mujaahidiinta Al-Shabaab la wareegaan guud ahaan Soomaaliya, sidoo kalena shareecada Islaamka laga hir-gelin doono dalal fara badan oo Afrikaan ah, ee uu miraha jihaadka Soomaaliya saameyn ku yeelan doono geeska qaaradda.
Machadka Sahaayuuniyada ee JCFA waxa uu ka dayriyey sida uu noqon doono xaalka dowladda saliibiyada Itoobiya, waxaanu tilmaamay in ay wajihi doonaan khatar weyn, haddii Xarakada Mujaahidiinta Al-Shabaab ay kusii luga fidsato waddamada dhaca gobolka.
Warbixintan ay Yahuuddu soo saartay ayaa kuffaarta caalamka, gaar ahaan reer-galbeedka kula talisay in ay barbar istaagaan Itoobiya, kana taageeraan dhinaca dhaqaalaha iyo weliba ciidanka oo ay ku boorisay in si weyn loo qalabeeyo, maadaama Addis Ababa ay tahay wakiilka Saliibiyiinta ee bariga Afrika
Sidoo kale daraasaddu, waxay talooyin u soo jeedisay maamulka Sahaayuuniyada oo ay ugu baaqday in taageero dhinaca sirdoonka ah ay siiso Itoobiya, taasoo qayb ka ah ayay tiri isbahaysiga istaraatiijayadeed ee Addis Ababa, Tal-abiib iyo Washington.
About The Author
