Saraakiisha iyo madaxda murtadiinta ayaa hawada isu marinaya eedaymo la xiriira fashilka ku dhacay duullaanka ashahaada la dirirka ee ay kaga jiraan Sh/dhexe kadib markii ay mujaahidiintu bilooyinkii lasoo dhaafay gacanta ku dhigeen degmooyin iyo deegaanno muhiim ah oo ka tirsan gobolkaasi.
Murtad Cali Guudlaawe, madaxa maamul goboleedka ashahaada la dirirka ah ee Hirshabeelle ayaa sheegay in murtad Xaadoole oo ah sarkaal ashahaada la dirir ah sidoo kalena xubin ka ah golaha dawaaqiidda Riddada uu dalka ka cararay.
Sababta ka dambeyso baxsashada Xaadoole ayuu murtad Guudlaawe ku sheegay cabsi uu ka qabo weerarada mujaahidiinta Al-shabaab ee ka socda Sh/dhexe, wuxuuna tilmaamay in murtad Xaadoole uu u cararay magaalada Nairobi ee caasimadda Kenya.
Sidoo kale murtad Guudlaawe madaxa maamulka Riddada ah ee Hirshabeelle ayaa murtad Xaadoole wuxuu ku eedeeyay in uu dhibaato xooggan ku hayo shacabka ku dhaqan gobolka Sh/dhexe.
Wuxuu tilmaamay in isbaaro uu leeyahay murtadkan oo ka tirsan xubnaha golaha dawaaqiidda Riddada ay taallo gobolka Sh/dhexe, halkaas oo dadka shacabka ah lagu dhibaateeyo.
Hadalka madaxa maamul goboleedka ashahaada la dirirka ah ee fadhigiisu yahay Jowhar ayaa kusoo beegmaya xilli horay murtad Xaadoole uu eedayn ugu jeediyay murtad Guudlaawe, isaga oo dusha ka saaray guuldarrooyinka isku raacraacay maleeshiyaadka murtadiinta.
About The Author
