Waxaa cisbitaal kuyaal magaalada Nairobi ee caasimadda dalka Kenya ku geeriyooday Jeneraal Max’med Siciid Xirsi Moorgan oo kamid ahaa dagaal oogayaashii Soomaaliya.
Sida ay xaqiijiyeen ehelladiisa Jeneraal Moorgan ayaa u dhintay cudur uu bilihii lasoo dhaafay la xananuunsanayay, ninkan oo kasoo mid noqday saraakiishii ugu sarraysay ciidamada dowladdii shuuciyadda Maxammed Siyaad Barre, ayaa 30-kii sano ee lasoo dhaafay ahaa dagaal ooge qeyb ka ahaa dagaalladii sokeeye, sidoo kale wuxuu ahaa wasiirkii ugu dambeeyay ee Gaashaandhigga dowladdii dhexe.
Dagaal oogahan hore ee dhintay ayaa hadda ahaa lataliyaha dhanka amniga ee Saciid Cabdullahi Deni oo ah madaxa maamulka Riddada Puntland, kaasi oo ka arrimiyo gobollada waqooyi Bari Soomaaliya.
Moorgan oo dhintay isagoo 76 sana jir ah ayaa sanaddii 1949-kii ku dhashay magaalada Qardho ee gobolka Bari, markii ay dhacday dowladdii Shuuciyadda ayuu kamid noqday dagaal oogayaashii ugu tunka weynaa dalka, waxaana lagu xasuustaa dagaallo dad badan ay ku dhinteen oo ka dhacay magaalada Kismaayo xilligaas oo uu ka mid ahaa hoggaamiye kooxeedyadii ku loollamayay talada waddanka, sidoo kale wuxuu hoggaaminayay dagaallo Ashahaadda la dirirnimo oo ka dhacay deegaanno ka tirsan dalka Soomaaliya.
Inta badan dagaal oogayaashii hore ee xasuuqa ugeystay shacabka Soomaaliyeed iyagoo kaashanaya dowlado shisheeye ayaa halaagsamay iyagoo dullaysan.
About The Author
