Dagaalladaan oo u dhaxeeyey maleeshiyaad kala taabacsan kuwa Riddada Jubaland, iyo kuwa kooxda Riddada ee Xasan Gurguurte ayaa ka dhacay deegaan lagu magacaabo Tuullo Aamiin oo dhacda duleedka Baladxaawo.
Dagaalka ayaa yimid kadib markii maleeshiyaadka uu wato Cabdirashiid Janan ay weerar ku qaadeen saldhigyo ay halkaasi ku lahaayeen maleeshiyaadka Riddada ee Jubbaland.
Dagaallo kooban kadib, maleeshiyaadka kooxda Riddada Soomaaliya ayaa la wareegay goobta dagaalka, iyadoona maleeshiyaadka Ridsada Jubbaland ay u firxadeen dhanka magaalada Manadheera ee dhulka NFD, kaddib markii dagaalka lagu jabiyay.
Inta la xaqiijiyey dagaalladii shalay waxaa ku dhintay ku dhaawad ilaa 7 ruux oo dhinacyada dagaalamayey ah oo isugu jiray saraakiil iyo askar, halka tiro intaasi ka badan ay dhaawacmeen.
Dhinaca maamulka Riddada ee Jubbaland ayaa dagaalladaasi looga dilay 2 sarkaal oo watay ciidankii u dagaalamayay Axmed Madoobe kuwaasi oo lagu kala magacaabi jiray Xuseen Giif oo ahaa taliyaha Booliska Jubaland ee Gedo, iyo Farxaan Odawaa oo ahaa taliyaha maleeshiyaadka Daraawiisha Jubbaland ee Baladxaawo.
Sidoo kale, dagaalladii shaley waxaa ku dhaawacmay Aadan Dhafoorey oo ah taliyaha Booliska kooxda Ridada ee Gedo, kaasoo la sheegay inuu soo gaaray dhaawac cusus.
Muuqaallo lagu baahiyey baraha Bulshada ayaa muujinayey maleeshiyaad uu hoggaaminayey murtad Cabdirashiid Janan oo ku sugan saldhiggii laga qabtay maleeshiyaadka Riddada Jubbaland ee duleedka Baladxaawo.
About The Author
