Warbixin cusub oo ay soo saartay Akadeemiyadda Qaranka ee Sirdoonka Turkiga ayaa ka digaysa fashil baaxad leh oo ay sheegtay inuu hareeyey kooxda Riddada Soomaaliya oo muddo badan adeege ka ahayd duullaanka saliibiga ah, dagaal xooganna kula jirtay ku-dhaqanka Shareecada Islaamka.
Sirdoonka Turkigu wuxuu qiray in kooxda Riddada Soomaaliya ay sii daciifayso oo ay cagta saartay dhabbadii burburka, isla markaana xaaladda amni ee ku gedaaman ay marba marka ka dambaysay kasii darayso.
Qiimayntan oo sirdoonku sheegay inuu kasoo ururiyey, xogo gudaha Soomaaliya ah, ilo amni, iyo diiwaanno diblomaasiyadeed, ayaa lagu xusay in joogitaanka Turkiga ee Soomaaliya iyo iskaashiga uu la leeyahay kooxda Riddada ay halis ugu jiraan in ay wiiqmaan maadaama ay dul-hoganayaan ayaa lagu yiri xogta, khataro waaweyn oo kaga imanaya dhinaca Mujaahidiinta Al-Shabaab.
Sirdoonka maamulka Riddada Ankara waxay sheegeen in kooxda Riddada Soomaaliya ay dhex-dabbaalanayso haliso waaweyn, halka mujaahidiintuna ay sii xoojiyeen ayay yiraahdeen hawl-galladooda iskuna fidiyeen deggaanno badan oo dhaca bartamaha iyo koonfurta dalka Soomaaliya.
Wuxuu hoosta ka xariiqay sirdoonka Turkigu in fashil iyo guul-darro ay kusoo idlaatay xamladii saliibiga ahayd ee 2022-kii ay sida wada-jirka ah kuffaarta caalamka iyo murtadiinta Soomaaliya ugu soo qaadeen deggaanno lagu maamula ku-dhaqanka Shareecada Islaamka.
Gulufkaasi macatab-ku-dirika ahaa ayuu sirdoonka Riddada ee Turkigu qiray in mujaahidiintu ay afka ciidda u dareen, isla markaana dhabar-jab xooggan gaarsiiyeen maleeshiyaadka Riddada Somaliya, kuwaas oo haatan aan awoodin ayay yiraahdeen inay iska caabbiyaan weerarrada kaga imanaya Mujaahidiinta Al-Shabaab.
Daraasaddan ay soo saartay Akaadamiyadda Sirdoonka Turkiga ayaa kusoo aadaysa xilli guud ahaan warbaahinta caalamka iyo macaahidda daraasaadka amnigu ay sida fiinta uga qaylo-dhaamiyeen gulufka Mujaahidiinta iskuna raaciyeen in gebi ahaan Soomaaliya ay qarka u saaran tahay in laga tirtiro xeerarka gaallada laguna soo dabbaalo ku-dhaqanka Shareecada.
About The Author
