Maamulka Riddada Jubbaland ee uu hoggaamiyo murtad Axmed Madoobe, ayaa shaaciyay in uu yahay dowlad gaar ah, oo ka madax bannaan kooxda Riddada ee uu hoggaamiyo murtad Gurguurte.
Guddoomiyaha golaha dawaaqiidda maamulka ashahaada la dirirka ah ee Jubbaland murtad Cabdi Maxamed Cabdiraxmaan oo ka qaybgalayay shir ka dhacay Kismaayo, ayaa ku dhawaaqay in dasruurkii maamulkaasi ay wax ka beddel ku sameeyeen.
Wuxuu tilmaamay inay meesha ka saareen oo ay ka guureen magacii hore ee maamulkaasi hoos geynayay Villa Soomaaliya, sidaa darteedna yihiin dowlad, taasoo ka dhigan in si la mid ah maamullada kale ee Puntland iyo Somaliland ka hoos baxeen nidaamka fadhigiisu yahay Muqdisho.
Maamulka Riddada Puntland, ayaa horay u sheegay in uu yahay dowlad gaar ah oo ka madax bannaan kooxda fadhigeedu yahay Villa Soomaaliya, kaddib markii khilaafka kala dhaxeeya kooxdaasi uu meel sare gaaray.
Go’aanka kasoo baxay maamulka Axmed madoobe ee ay ku shaaciyeen inay yihiin dowlad gaar ah, ayaa muujinaya heerka fog ee uu gaaray khilaafka kala dhaxeeya kooxda Riddada Soomaaliya.
About The Author
