Wararka ka imaanaya deegaanka Ceelasha biyaha ee duleedka magaalada Muqdisho, ayaa sheegaya in maleeshiyo ka tirsan murtadiinta ay weerar ku qaadeen beer kutaal deegaankaasi, halkaas na ku dileen qof shacab ah.
Maleeshiyadan murtadiinta ah ayaa lasoo wariyay in markii ay beerta tageen ay si bareera halkaas ugu dileen nin rayid ah oo lagu magacaabi jiray Bashiir Cabdullaahi Macallin.
Ehellada iyo odayaasha deegaanka Ceelasha oo warbaahinta la hadlay waxay sheegeen in markii la dilay wiilkooda aan sidaas looga harine maydkiisa lagu xiray laguna jiiday gaari Cabdibile ah oo ay leeyihiin Booliiska Riddada.
Waxay sheegeen in weerarka lagu dilay wiikooda ay fuliyeen maleeshiyaadka Booliiska Riddada, kuwaas oo uu hoggaaminayay taliyaha Booliiska Riddada ee deegaanka Ceelaha biyaha, waxay intaas ku dareen inaysan aasi doonin wiilkooda, kana dagaallami doonaan dhibaatada loo gaystay.
Warsaxaafadeed ay soo saareen ehellada ayay sidoo kale ku caddeeyeen in weerarkaan uu ahaa mid abaabulan oo si gaar ah loogu bartilmaameedsaday beertooda, waxay sheegeen in maydka wiilkooda gaariga Cabdibilaha ah lagu jiidayay ilaa uu maqaarka ama haraga ka dhacay.
Arrintan ayaa lala xiriiriyay boobka dhuleed ee ay waddo kooxda Riddada ee uu hoggaamiyo murtad Xassan Gurguurte, mid ka mid ah dadka ehellada ah ee warbaahinta la hadlay ayaa tilmaamay in beerta weerarka lagu qaaday ay ku suganyihiin gaadiid ciidan, beertana cabir lagu hayo.
About The Author
