Kulan ay soo qaban-qaabiyeen siyaasiyiinta mucaaradka ee Riddada Soomaaliya oo habeennimadii xalay ka qabsoomay magaalada Muqdisho ayaa eedaymo culus loogu jeediyey kooxda Villa Somaliya ee gar-wadeenka uu ka yahay murtad Xasan Sheekh Maxamuud.
Isu-imaatinkan oo ay kasoo qayb-galeen shacab dad badan oo laga barakiciyey guryahoodii ay ku lahaayeen caasimadda Muqdisho, ayaa waxaa ka hadlay siyaasiyiin mucaarad ah oo horey xilal kala duwan uga soo qabtay kooxda Riddada, kuwaas oo sheegay in marnaba aanay aqbalayn doorashada uu Gurguurte damacsan yahay in uu ka qabto magaalada Muqdisho.
R/wasaarihii hore ee koodaasi Murtad Xasan Cali Khayrre ayaa nasiib-darro ku tilmaamay in kooxda Gurguurte ay ku mashquulsan tahay doorasho dhalanteed ah oo lagu qasbayo shacabka iyo aqoonyahanka magaalada Muqdisho, waxaanu ka digay dhibaato hor leh oo uu sheegay in ay hor-seedi doonto doorashadaasi.
Murtad C/Raxmaan C/Shakuur oo sidoo kale xubin ka ah golaha dawaaqiidda Soomaaliya ayaa qiray in maleeshiyaadkii riddadu ay ku burbureen dagaalkii uu Murtad Gurguurte la galay Mujaahidiinta Al-Shabaab. Isagoo dhanka kalena carabaabay in Kooxa Villa Somaliya ay sii laba-jibbaartay boobka, baadda, iyo barakicinta ay ku hayso shacabka Soomaaliyeed.
Shariif Murtad oo isna horey usoo noqday madaxa kooxda Riddada, haatanna hamuun weyn u qaba in kursigaasi uu ku laabto, ayaa soo hadal-qaaday mid ka mida falalkii ugu dambeeyey ee saacadihii lasoo dhafay ka dhacay gobolka Banaadir.
Dhacdadan oo guud ahaan bulshadda Soomaaliyeed ay si weyn uga argagaxday, ayaa timid kadib markii maleeshiyaadka Gurguurte iyagoo ku gudo-jira dhul-boobka ay ka wadaan gobolka Banaadir, ay si bareer ah u dileen qof shacab ah, maydkiisiina ku jiideen gaari ay wateen.
Sidoo kale murtad-shariif intii uu hadalkiisa ku gudo-jiro ayuu is-weydiiyey waxa uu Xasan Sheekh Maxamuud uga golleeyahay burburinta maleeshiyaadka Riddada, baabi’inta dhaqaalaha iyo barakicinta bulshadda ku dhaqan magaalada Muqdisho.
Kulankan u dambeeyey ee madasha sama-tabixintu ay xalay ku qabteen magaalada Muqdisho ayaa kusoo aadaya xilli kooxaha mucaaradku ay ku jiraan diyaar-garowgii u dambeeyey ee ay ay kaga qayb-galaan shir-weyne ka dhan ah Murtad Gurguurte iyo kooxdiisa oo sida la sheegay dhawaan ka qabsoomi doona Kismaayo, kaas oo wufuuddii u horreysay ay gaareen magaaladaasi saaka oo Talaada ah.
About The Author
