Taliyaha ugu sarreeya ciidanka millateriga ee waddanka Uganda, gaal Muhoozi Kainerugaba ayaa shaaca ka qaaday tallaabo lagu soo afjarayo ciidamada Uganda ee ku sugan dalka Soomaaliya.
Janaraal Muhoozi Kainerugaba oo goor dhawayd qoraal kooban soo dhigay bartiisa xiriirka bulshada ee X, (Twitter) ayaa si cad u sheegay in dhawaan ciidamda Uganda si dhamaystiran looga saarayo dalka Soomaaliya.
“Kadib 19 sano oo aan ku sugnayn Soomaaliya, waxa aan damacsan nahay inaan ciidankeena si buuxda ugala baxno dalkaas goor dhow.” Ayuu yiri Janaraal Kainerugaba.
Tan iyo 2007-dii ciidamada Uganda waxay qayb ka ahaayeen duullaanka Saliibiga ah ee lagu soo qaaday dalka Soomaaliya oo Maraykanku uu hormood ka ahaa, kaas oo haatan uu soo food-saaray fashil aad u xooggan.
Shabaabul Mujaahidiin oo duullaankan jilibka u aastay, gaashaankana u daruuray gabood-falka shisheeyaha, ayaa dhiig-bax daran gaarsiiyey ciidamada huwanta gaar ahaan kuwii ka socday Midowga Gaalada Afrika.
Warkan kasoo yeeray Janaraal Muhoozi ayaa kusoo aadaya xilli caqabado aad u ba’an oo amni iyo kuwo dhaqaale uu wajahayo hawl-galka AUSSOM, kaas oo ciidamada Uganda ay qayb ka yihiin.
Dhowr bilood ka hor ayay ahayd markii dagaallo ka dhacay gobolka Shabeellada hoose ee koonfurta Soomaaliya ay ilaa 200 askari ku waayeen ciidamada Uganda, intaas in ka badanna looga dhaawacay.
About The Author
