Warar dheeraad ah ayaa kasoo baxaya dagaallo culus oo saacadihii lasoo dhaafay ka dhacay deegaannada kulaala xuduud beenaadyada ay wadaagaan wadamada Afghanistan iyo Pakistan.
Imaarada Islaamiga Afghanistan ayaa tafaasiil dheeraad ah ka bixisay khasaaraha ka dhashay duullaan garadarra ah oo ciidamada xukuumadda Riddada Pakistan ay ku qaadeen qaar kamid ah wilaayaatka Islaamiga ah.
Wasaaradaha warfaafinta iyo arrimaha gudaha xukuumadda Islaamiga ah ayaa sheegay in ciidanka Imaarada ay si adag uga jawaabeen weerarada cudwaaniga ah ee ka yimid dhanka Pakistan.
Ku dhowaad 7 ruux shacab ah ayey ciidanka Pakistan ku dileen duqeymo culus oo ay ka geysteen magaalooyin ay kamid yihiin Kaabuul iyo Nangarhaar.
Dabiixullaahi Mujaahid oo ah afhayeenka Imaarada Islaamiga ah ayaa warbaahinta usheegay in ciidanka Pakistan ay shacabka rayidka ah u adeegsadeen hubka culus.
wuxuu carraabay in ciidamada Mujaahidiintu ay lawareegeen tobaneeyo saldhig oo ay ku sugnaayeen ciidamada Pakistan, Imaarada Islaamiga waxay tafaasiisha ay ku bixisay ku caddeysay in 11 askari ay uga shahiideen dagaalka halka cadowga ay ka dishay labaatameeyo askari.
Dhinaca kale dowladda Riddada Pakistan ayaa qirtay in 18 askari looga dilay dagaallada ay lagaleen Imaarada Islaamiga Afghanistan islamarkaana waxyeello xooggan lagaarsiiyay saldhigyo dhowr ah.
Saraajudiin Xaqaani oo ah wasiirka arrimaha gudaha Afghanistan ayaa ku eedeeyay xukuumadda Pakistan in ay duullaan gardarro ah kusoo qaadday Imaarada Islaamiga ah iyo shacabkeeda wuxuuna ku goodiyay in Imaaradu ay nafiir dagaal gelin doonto ciidankeeda isagoo xukuumadda Riddada Pakistan uga digay sii wedidda falalka cadowtooyo ee ka dhanka ah muslimiinta Afghanistan.
Tan iyo markii ay Mujaahidiintu lawareegeen talada Afghanistan ayay sirdoonka Pakistan geysanayeen weeraro arbushaad ah oo ay ku wiiqayaan nidaamka islaamiga ah ee dalka ka hana qaaday,falanqeeyaasha ayaa aamisan in tallaabooyinka ay qaadayso Pakistan uu gadaal kasoo riixayo Mareykanka.
About The Author
