Wararka ka imaanaya gobolka Bakool ayaa sheegaya in iska hor’imaad hubeysan uu maleeshiyaad kawada tirsan murtadiinta ku dhaxmaray degmada Waajid.
Iska hor’imaadka ayaa yimid kadib markii ay garoonka diyaaradaha Waajid gaareen maleeshiyaad daacad u ah kooxda Riddada Soomaaliya si ay usugaan ammaanka diyaarad ciidamado kasoo daabushay Muqdisho.
Goobjoogayaal ayaa sheegaya in ay labada dhinac rasaas is dhaafsadeen, intii uu iska hor’imaadku socday ayay maleeshiyaad taabacsan maamulka Laftagareen ee Koonfur galbeed waxay rasaas laheleen diyaarad xamuul ah oo doonaysay in ay soo caga dhigato garoonka degmada Waajid.
Rasaasta ayaa haleeshay diyaaradda oo ugu dambeyn ku qasbanaatay in ay dib ugu laabato Muqdisho, ilo wareedyo ayaa sheegaya in diyaaradda larasaaseeyay ee dib loo celiyay ay lasocdeen saraakiil iyo maleeshiyaad katirsan kooxda Riddada kuwaas oo doonayay in ay lawareegaan maamulka degmada Waajid.
Wararka ayaa intaas ku daraya in uu jiro khasaaro soo kala gaaray dhinacyada ku dagaallamay degmada Waajid.
Guddoomiyaha degmada Waajid ugu magacaaban maamulka Laftagareen ayaa warbaahinta u sheegay in isaga iyo maamulkiisa ay wajahayaan duullaan uga yimid Xasan Gurguurte sida uu hadalka udhigay wuxuuna eedaymo culus ujeediyay wasiirro katirsan kooxda Riddada.
Dhinaca kale boqolaal maleeshiyaad murtadiin ah ayaa kusii qulqulaya degmada Buurhakaba ee gobolka Baay, maleeshiyaadkan oo diyaarado loogasoo daabulay Muqdisho iyo Xudur ayuu ujeedkoodu ayahy in ay weeraraan magaalada Baydhabo oo uu ugacanta ku hayo Laftagareen.
Khilaafka udhaxeeya murtadiinta oo uxuubsiibtay gacan hadal ayaan la ogeyn cidda ku adkaan doonto dagaalka loo madlanyahay ee Baydhabo.
About The Author
