Maamulka ashahaado-la-dirirka Koonfur Galbeed ayaa eedayn culus u jeediyey kooxda Villa Soomaaliya ee garwadeenka uu ka yahay murtad Xasan Sheekh Maxamuud.
War-saxaafadeed kasoo baxay madaxtooyada Koonfur Galbeed, ayaa lagu sheegay in maleeshiyaad kooxda Gurguurte soo abaabushay si hoose loogu soo daabulay deggaanno hoostaga maamulkaasi.
Tallaabadan ayuu maamulka Laftagareen ku sifeeyey faro-gelin cad oo si toos ah u wiiqaysa xasilloonida guud ee dalka, isla markaana sii hurinaysa xaaladaha cakiran ee amni iyo siyaasadeed.
Maamulka Koonfur Galbeed waxa uu sheegay in dhaqdhaqaaqa ciidan ee uu wado Gurguurte ay horseedi karaan dagaal sokeeye iyo masiibo bani’aademnimo oo hor leh.
Sidoo kale warsaxaafadeedkan oo xalay soo baxay ayaa lagu xusay in dalku uu ku socdo waddo halis ah oo dib u soo celin karta burbur iyo barakac hor leh.
Madaxtooyada Koonfur Galbeed waxa kale oo ay ku eedaysay kooxda Villa Soomaaliya in ay waddo qorshe Shabeellaha Hoose looga goynayo maamulkaasi.
Tallaabadan ayaa lala xiriiriyey damaca murtad Gurguurte ee ku aaddan maamulidda heshiisyada xaaraanta ah ee Turkigu ku boobbayo khayraadka dalka.
Maamulka murtad Laftagareen waxa uu bayaankiisan ku sheegay in uu qaadayo tallaabooyin uu ku difaacayo amniga iyo madax-bannaanida Koonfur Galbeed.
Geesta kale bayaan kasoo baxay Wasaaradda Amniga Gudaha ee Koonfur Galbeed ayaa si rasmiya loogu sheegay in hub laga keenay Masar loo qaybiyey maleeshiyaadkan Gurguurte uu soo abaabulay, kaas oo loogu talo-galay ayay tiri carqaladaynta deggaannada hoos-taga maamulkaasi.
Sidoo kale Wasiirka Warfaafinta maamulka Koonfur Galbeed murtad Maxamed Ibraahim Bilaal, ayaa wacad ku maray in dhulka ay soo dhigayaan diyaaraddii isku dayda inay soo daabusho maleeshiyaad, isagoo dhanka kalena ka digay hubka ay dowladaha shisheeye siinayaan kooxda Villa Soomaaliya.
Khilaafkan sii xoogaystay ayaa kusoo aadaya xilli saacadihii lasoo dhaafay wasiirro ka ka tirsan maamulka Koonfur Galbeed oo ku xayirnaa Muqdisho ay tahriib ku tageen magaalada Kismaayo, iyagoo ku safraya Doon, halkaas oo la sheegay in safar dhinaca hawada ah uga sii gudbi doonaan magaalada Baydhabo.
About The Author
