Dowladaha Iiraan iyo Maraykanka ayaa ku guuldarreystay in wax natiijo ah ay ka gaaraan wadahadallo nabadeed oo muddo 21 saacadood ah uga socday caasimadda Islamabad ee dalka Pakistan.
Fashilka wada-hadalkan ayaa yimid ka dib markii natiijo la’aan uu kusoo idlaaday heshiis rasmi ah oo la filayay in lagu soo afjaro dagaalka u dhaxeeya ee ka socda Bariga Dhexe.
Ergooyinka wadahadalladan ayaa waxaa kala hoggaaminayay M/weyne-xikgeenka Maraykanka VP JD Vance iyo Wasiirka Arrimaha Dibadda Iiraan, Cabbas Caraaqji.
Labada dhinac waxa uu midba midka kale ku eedeeyey fashilka ku yimid wadahadalladan iyadoo weli ay jirto xabad-joojin laba usbuuc ah oo cago buuran aan ku taagnayn.
Mareykanka ayaa la sheegay in uu dalbaday ballanqaad rasmiya oo ah in Iiraan aysan marnaba samaysan doonin hub nukliyeer ah, halka Iiraan ay dalabaadkaas ku tilmaamtay kuwo “xad-ka-bax ah”.
Iiraan waxay dalbatay gacan-ku-haynta marinka Hormuz iyo inay ka qaaddo lacagaha canshuurta maraakiibta marta, halka Mareykankuna uu dalabkaasi ka diidday Iiraan.
Waxaa jiray warar sheegaya in Mareykanku oggolaaday sii deynta hantida Iiraan ee dibadda ku xayiran, balse saraakiisha Mareykanka ayaa arrintaas beeniyay, sida ay sheegtay Reuters.
Iiraan waxay dalbatay in xabbad-joojinta ay ku jirto Lubnaan, balse Yahuudda ayaa sii wadda duqeymaha ay ku hayso Xisbullaah, iyadoo sheegtay inaysan qayb ka ahayn heshiiska Iiraan iyo Mareykanka.
In kasta oo wadahadalladu fashilmeen, haddana waxaa la arkay maraakiib shidaal oo ka gudbaya marinka Hormuz markii ugu horreysay tan iyo markii uu dagaalku billowday, taas oo muujinaysa saameynta xabbad-joojinta kooban ee hadda jirta.
Madaxweynaha Maraykaka Donald Trump ayaa dhankiisa sheegay in uusan u arkin heshiiska mid daruuri ah, isagoo ku doodday in Mareykanku uu horay u guuleystay.
Si kastaba, labada dhinac weli waxay ku kala aragti duwan yihiin arrimaha nukliyeerka iyo amniga gobolka, taas oo mugdi gelin karta heshiis laga gaaro dagaalka Bariga Dhexe.
About The Author
