Xilli uu sii laba-laxaadsaday khilaafka xooggan ee u dhaxeeya kooxaha iska soo hor-jeeda ee riddada Soomaaliya, ayuu madaxweynaha maamulka ashahaado-la-dirirka Puntland shaaca ka qaaday go’aanka ay qaadan doonaan wixii ka dambeeya muddada kooban ee ka hartay muddo-xileedka madaxa Villa Soomaaliya, murtad Xasan Sheekh Maxamuud.
Mar uu shalay ka hadlayay meel fagaare ah, ayuu madaxa maamulka gaallo-raaca Puntland murtad Saciid Cabdullaahi Deni ka dhawaajiyey, in wixii ka dambeeya 15-ka bisha soo socota ee May, ay qaadan doonaan go’aan cad oo ka dhan ah kooxda riddada Soomaaliya.
Wakhtiga uu carrabaabay oo ay ka harsan tahay oo kaliya wax ka yar labaatan cisho, ah-na xilliga ay ku eg-tahay muddo-xileedka Gurguurte, ayuu Deni sheegay in haddii xal buuxa lagu gaari waayo muddadaasi, ay meesha ka bixi doonto wax la yiraa dowladda federaalka Soomaaliya.
Go’aanka uu murtadkani ka sanqariyey ayay falanqeeyayaashu tilmaameen inuu salka ku hayo, qorsheyaal la doonayo in lagu kala jaro Soomaaliya, isla markaana gooni-goosad hor leh looga dhawaaqo Puntland, sidii maamulka gaallo-raaca Somaliland uu horey u sameeyey.
About The Author
