Wararka ka imaanaya biyaha caalamiga ah, ayaa sheegaya in dooni ganacsi oo u rarnayd ganacsato Soomaaliyeed ay ku gubatay meel u dhow marin biyoodka Hormuz.
Ilo wareedyo xog ogaal ah, ayaa xaqiijiyay in doonida oo siday xoolo ay ka shiraacatay dekadda magaada Berbera, ee dhacda waqooyiga Soomaaliya.
Lama shaacin tirada rasmiga ah ee xoolaha ay sidday doonidu, waxayna kusii jeeday dalalka khaliijka sida xoguhu tilmaamayaan.
Dhacdada gubasho ee doonida, ayaa si gaar ah looga soo calaamadiyay biyaha u dhaxeeya dalalka Cumaan iyo Imaaraadka Carabta, waxaana uu shilku yimid markii doonidu isku dayday inay gasho aagga aadka la isugu hayo ee Hormuz.
Xoolaha ay doonidu sidday, ayaa la sheegay in loogu talagalay ciidda Carafa, balse ay gabi ahaanba gubteen.
Lama oga sababta rasmiga ah ee keentay gubshada doonida, balse waxay tani kusoo beegmaysaa xilli sidan oo kale toddobaadkii hore dooni ka baxday dalka Cumaan kuna jeeday dhanka Yeman oo gabayo kala duwan oo bagaash ah siddday lagu beegsaday weerar drone loo adeegsaday.
Dhacdadaas iyo kuwa la midka ah, ayaa lasoo wariyay inay hakad geliyeen doonyo ay leeyihiin ganacsato kasoo jeeda Soomaaliya oo kasii bixi lahaa dhanka dalka isku tagga Imaaraadka Carabta oo ka mid ah dalalka ay is hayaan Iiraan.
About The Author
