Isku soo baxyo aad u ballaaran ayaa maanta ka dhacay magaalooyinka waawayn ee dalka Kenya, halkaas oo dadku cabasho kaga muujiyeen sicirka shidaalka oo aad u sare maray gudaha dalkaasi.
Kumannaan qof ah oo careysan, ayaa xirtay waddooyinka ugu muhiimsan qaar ka mid ah magaalooyinka waawayn oo ay ka mid tahay caasimada Nairobi, halkaas oo dadku ku muujiyeen diidmadooda ku aaddan kororka qiimaha shidaalka.
Isku soo baxyada ayaa yimid, markii gaadiidleyda dalkaasi ay shaqo joojin rasmi ah ku dhawaaqeen sheeggeenna inaysan goyn karin qiimaha shidaalka, waxay taasi keentay in gebi ahaanba joogsadaan isku socodka gaadiidka ee gobollada dalkaasi.
Mudaaharaadka maanta ka dhacay Nairobi, waxaa uu isku beddelay isku dhac toos ah oo dhexmaray dibadbaxayaasha iyo ciidamada ammaanka, dadka isku soo baxa sameeyay ayaa la arkayay iyagoo taayirro gubaya, sidoo kalena burburinaya oo dab qabadsiinaya gaari dadweyne.
Isku soo baxyada ka dhacay magaalooyinka qaar, waxaa lasoo wariyay dad si toos sh loo toogtay, magaalada Nakuru oo kale ugu yaraan hal qof in la toogtay ayaa lasoo wariyay halka magaalada Nyeri la bililiqeystay suuqyo waawayn.
Kenya waxay ka mid tahay dalalka ay tuugadu ka faa’ideystaan isku soo baxyada, kamaradaha ayaa soo bandhigayay goobo ganacsi oo si toos ah loo boobayo iyo shakhsiyaad la baaranayo.
About The Author
