The Telegraph oo ka mida wargeysyada ugu afka dheer waddanka Ingiriiska ayaa warbixin uu maanta baahiyey kusoo hadal-qaaday xiriirka sii xoogaysanaya ee u dhaxeeya maamulka ashahaado-la-dirirka Somalilland iyo maamulka Yahuudda.
Wargeysku waxa uu sheegay in murtad Cirro madaxa maamulka Somaliland uu aad ula dhacsan yahay xiriirka uu la sameeyey Kiyaanka Sahyuuniga, isla markaana ay qorshaha ugu jirto in sannadkan gudhiisa uu booqdo magaalada Qudus oo ka mida dhulka muslimiinta reer Falastiin ee Yahuuddu ay xoogga ku haysato.
Sidoo kale wargeysku waxuu shaaciyey in 50 askari oo ka tirsan ciidamada gaarka ah ee maamulka gaallo-raaca Somaliland ay usbuucan kusoo laabteen Hargeysa, kadib markii ay soo dhamaysteen tababar millateri oo ay kusoo qaateen Talaabiib.
Xaflad ka dhacday magaalada Hargeysa ayuu wargeyska The Telegraph sheegay in wefti ka socday maamulka Yahuuddu ay madaxweyne Cirro ku guddoonsiiyeen qaybo ka mid ah nidaamka difaaca cirka ee Sahaayinadu ay samayso ee loo yaqaan Iron Dome (Ayran Dhoom).
Xogtan ayaa soo baxaysa xilli maamulka ashahaado-la-dirirka Somaliland uu iclaamiyey inuu safaarad ka furanayo Qudus oo ah caasimadda Falastiin, taas oo ka dhigan in maamulka Cirro uu Qudus u aqoonsaday caasimadda maamulka Yahuudda.
About The Author
