Xilli kooxda riddadu isku dayayso inay hub-ka-dhigis ku samayso mucaaradka ayaa habeennimadii xalay, waxa uu dagaal culus ka dhacay duleedka magaalada Xamar, gaar ahaan deggaan u dhaxeeya deggaanka Gubadleey ee gobolka Banaadir iyo degmada Warsheekh ee gobolka Shabeellaha dhexe.
Dagaalkan ayaa qarxay kadib markii maleeshiyaadka riddadu ay jidka u galeen kolonyo maleeshiyaad ah oo taabacsan Wasiirkii hore ee Amniga murtad Cabdullaahi Maxamed Nuur, kaas oo shalay kooxda Villa Soomaaliya kala wareegtay hoteel uu ku lahaa magaalada Muqdisho.
Sida ay xogtu tibaaxayso, maleeshiyaadkan ayaa weerarka dhabbo-galka ah la kulmay xilli ay marayeen inta dhaxaysa deggaanka Bashaqle iyo Warsheekh, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
Dagaalkan ayaa sida la sheegay lagu soo af-jaray muddo kooban kadib markii dhirbaaxo kulul lagu dhuftay maleeshiyaadka riddada, kuwaas oo rabay inay hubka iyo gaadiikaba kala wareegeen maleeshiyaadka Cabdullaahi Maxamed Nuur.
Kolonyada maleeshiyaadka siyaasigan oo la sheegay inay tiradoodu gaareysay dhowr iyo toban baabuur ayaa safarkooda horey u sii watay kadib markii ay jebiyeen maleeshiyaadkii Gurguurte, waxaanay gaareen degmada Cadalle ee gobolka Shabeellaha dhexe.
Kooxda riddada ayaa wadda hawl-gal ay doonayso inay hubka kaga dhigto mucaaradka, waxaanu Cabdullaahi Maxamed Nuur oo shalay askar hubaysani ay la wareegeen hoteelkiisa, uu sheegay in qorshahani uu yahay mid lagu burburinayo goobtiisa ganacsiga laguna boobayo hantida dhex taalla.
Dagaalkan ayaa kusoo aadaya xilli khilaafka Guguurte iyo siyaasiyiinta mucaaradku uu cirka isku sii shareeray, isla markaana kooxda riddadu ay saacadihii lasoo dhaafay si adag ugu hanjabtay siyaasiyiinta mucaaradka kuna amartay inay soo wareejiyaan hubka hadii kalena tallaabo adag laga qaadi doono.
About The Author
