Khilaaf hor leh ayaa soo kala dhaxgalay maamulka dabadhilifka ah ee fadhigiisu yahay magaalada Baydhabo kaasi oo bilihii lasoo dhaafay wajahayay qabado dhanka amniga iyo siyaasadda ah.
Taliyihii guud ee waxa loogu yeero ciidanka Birmadka Koonfur Galbeed ayaa ku dhawaaqay in uu ka goostay maamulka isaga iyo maleeshiyaadkiisa.
Sarkaalkan oo lagu magacaabo Sandheere ayaa gaaray magaalada Buurkaba ee gobolka Baay halkaas oo uu ka sheegay in uu kabaxay maamulka Aadan Madoobe.
Isagoo warbaahinta lahadlayay ayuu sheegay in maleeshiyaadka hoggaamiyaha maamulka Koonfur Galbeed ay halis geliyeen amnigiisa kadib markii ay ku qabteen qori RPG7 ah.
Eedaymo xooggan ayuu u jeediyay Aadan Madoobe isagoo dhaliilay qaabkii loo dhisay maamulkan daacadda u ah Kooxda Riddada Soomaaliya.
Sandheere ayaa hoggaaminayay maleeshiyaadkii kooxda Ridada ee lagu aruuriyay Buurhakaba horraantii sanadkan kuwaas oo markii dambe lawareegay magaalada Baydhabo.
Wararka ayaa intaas ku daraya in taliyihii waxa loogu yeero Birmada gobolka Sh/hoose ee maamulka Aadan Madoobe uu isna ku biiray ciidamada Laftagareen saacado kadib markii la sheegay in xilka qaadis lagu sameeyay.
Todobaadkii hore Xasan Gurguurte oo kulan layeeshay xildhibaanno katirsan golaha dawaaqiidda ayaa walaac ka muujiyay xaaladda cakiran ee magaalada Baydhabo ka tagaan isagoo quus ka muujiyay in xil loo helo khalalaasaha uu wajahayo maamulka Aadan Madoobe.
About The Author
