Wararka ka imaanaya dhulka Somaligalbeed ee Itoobiya gumeysato ayaa sheegaya in tiro katirsan ciidamada gumeysiga Itoobiya ay ku dhinteen weerar ka dhacay magaalada Jigjigo.
Ilo wareedyo ayaa sheegaya in qarax xooggan lala helay saldhigga melleteriga Garab-Case oo kuyaal magaalada Jigjiga ee xarunta gobolka Galbeed.
Ugu yaraan 5 Askari oo katirsan ciidanka Liyuu Booliska Itoobiya ayaa la xaqiijiyay in lagu dilay weerarka tira kalane ay ku dhaawacmeen.
Goob Joogayaal ayaa sheegay in boqolaal askari dheeri ah lagu daad gureeyay goobta weerarku ka dhacay, saraakiil katirsan maamulka dabaqoodhiga Jigjiga ayaa weerarka ku eedeeyay wax ay ugu yeereen ‘UBO’ oo ay ula jeedaan xoogaga u dagaalla xureynta dhulka Somaligalbeed.
Weerarkan ka dhacay Jigjiga ayaa kusoo aadaya xilli kacdoono xooggan ay ka socdaal dalka Itoobiya waxaana kacdoonadaasi dhigaya qowmiyadaha Oromada iyo amxaarada.
About The Author
