Wararka ka imaanaya magaalada Gazza ee dhulka Muslimiinta reer Falistiin waxey sheegayaan in sacadihii lasoo dhaafay gudaha magaaaladaasi lagu dilay sarkaal sare oo ka tirsanaay Ururka Xamaas oo ah urur si aad ah ula dagaalamo maamulka Yahuuda ee xooga ku heysta dhulka Falistiin.
Sarkaalkan lagu dilay magaalada Gazza ayaa ahaa Qaa’id weyn oo ka tirsanaay ururka Xamaas ee ka dagaalama dhulka Muslimiinta Falistiin kaasi oo lagu magacaabi jiray Mazin Fuqha.
Qaa’idkan weyn ayaa la xaqiijiyay iney toogteen rag hubeysan oo adeegsanayo Rasaasta aan dhawaaqa laheen kuwaasi oo Sarkaalkan dhowr xabadood kaga dhuftay Madaxa.
War cad oo kasoo baxay Ururka Xamaas ayaa lagu xaqiijiyay Istish-haadka Al-qaa’id Mazin Fuqha’iyagoona wacad ku maray iney u aargudi doonaan Qaa’idkaasi laga dilay.
Xamaas ayaa dilka sarkaalkaasi ku eedeeysay maamulka Sahyuuniyadda Yahuuda ee xooga ku heysta Beytul Maqdis iyo inta badan dhulka Muslimiinta reer Falistiin walow afhayeen u hadlay ciidamada Yahuuda uu beeniyay iney ka dambeeyeen dilka Al-qaa’id Mazin Fuqha.
Qaa’idkan lagu dilay magaalada Gazza ayaa ahaa qaa’di si weyn looga yaqaanay dhulka Falistiin waxa uu sidoo kale qaa’idkan mas’uul ka ahaa labo howlgal oo sanadii 2002-dii ka dhacay deegaano dhaca Konfurta magaalada Al-qudus kuwaasi oo lagu kala dilay ku dhawaad Soddon ruux oo Yahuud ah.
Calamada.com
About The Author
