Wax in badan lasoo rafaado oo biyo la’aanta iyo harraadka lagu samro  waxa maanta ilaa caawa la isugu bishaaraynayaa Raxmaadka roobka oo ka curtay qaar ka mid ah wilaayaadka Islaamiga ah, halka qaybo kalena ay indhahoodu ku doogsanayaan hillaaca iyo neecowda roobka ee ka da’aya deegaanada u dhowdhow.
Meelaha Roobku uu ka curtay waxa ka mid ah wilaayada Bay iyo Bakool oo ah meelaha ugu darnaa abaarta ee biyo dhaamintu ka socotay, waxa caawa la arkayay hillaaca iyo biriqda roobka oo muddo saacado ah da’ayay, inkasta oo wali aanu wada gaarin meelihii ugu darnaa, hadana roobabka caawa ka da’ay deegaano badan oo ka mid Bay waxay rajo fiican galinayaan, dadka kale ee aanu wali u di’in. deegaanka Raaxoole iyo deegaanada ku dhowdhow ayuu caawi si fiican u biyo dhigay sida ay noo sheegeen dadka deegaanku.
Sidoo kale meelaha uu ka curtay roobku waxa ka mid ah Qayb ka mid ah Galgaduud iyo Shabeelaha Dhexe oo laga soo sheegayo Roobab dadka iyo duunyadu ay ku diirsadeen.
Si kastaba ha ahaatee waa wax Allaah loogu shukriyo nimcadiisa, wakhti gaaladu ay filayeen in dadku abaar u dhammaadaan oo xeryaha gaajada iyo dullaysiga ay ku xareeyaan dadka dhibban.
About The Author
