Wararka ka imaanaya gobolka Galguduud ee bartamaha Soomaaliya ayaa sheegaya in ciidanka Xabashida Itoobiya ay dad shacab ah ku dileen.
Dad ku sugan deegaanka Ceel-lahelay ayaa sheegay in ciidamada Itoobiya ay gowrac ku jiideen Nin 75 sana jir ah oo lagu magacaabi jiray Cabdi Dhagool Diiriye Caddaawe.
Ciidamada Itoobiya ayaa Cabdi Dhagool kala baxay guri uu ka deganaa Ceel-lahelay saacado kadibna Meydkiisa oo madaxa ka go’an ayaa lagasoo qaaday duleedka deegaanka.
Qaar katirsan waxgaradka Ceelahelay oo warbaahinta la hadlay ayaa sheegay in ay ka argagaxeen falkan naxdinta leh ee ciidamada Itoobiya kula kaceen Odayga 75 sana jirka ah.
Allaha u naxariistee Cabdi Dhagool Diiriye ayaa Meydkiisa shalay lagu aasay isla deegaanka, ciidamada Itoobiya ayaa caan ku ah xasuuqa ay ugeysanayaan shacabka rayidka ah.
Wararkii ugu dambeeyay ayaa sheegaya in Itoobiyaanka oo Meydad iyo dhaawacyo wata ay ugudbeen dhanka degmada Ceelbuur, weeraro is xigxigay oo shalay ku qabsaday wadada ayaa khasaara lixaad leh lagu gaarsiiyay Xabashida taas oo loo aanaynayo in ay ka aargoostaan dadka shacabka ah.
About The Author
