Wararka ka imaanaya gobolka Qunduuz ee waqooyiga wadanka Afghanistan ayaa sheegaya in dagaallo culus ay shalay ka bilaawdeen mid kamida magaalooyinka ugu waaweyn gobolka.
War rasmi ah oo kasoo baxay Imaarada Islaamiga ah ayaa lagu sheegay in ciidamada mujaahidiintu ay si buuxda ula wareegeen gacan ku heynta degmada Qalcah Zaal kadib dagaallo culus oo ay lagaleen ciidamada Xukuumadda.
Bayaan Kasoo baxay Taliban ayaa lagu sheegay in dagaalkii dhacay maalinimadii Jimcaha lagu dilay 29 askari oo katirsan ciidanka xukuumadda halka Mujaahidiinta ay ka shahiideen 29 askari.
Sawirro lagu faafiyay baraha internetka ee taabacsan Taliban ayaa muujinaya Raayada Towxiidka oo ka lalmanaysa dhammaan xaruumaha xukuumadda ee magaalada Qalcah Zaal.
Dabayaaqadii bishii April,2017 ayay Golaha shuurada imaarada Islaamiga ah iclaamiyeen olole dagaaleedka xilliga Guga oo loogu magac daray Al-Mansuuriyah.
Wasaaradda difaaca Mareykanka ayaa isbuucii lasoo dhaafay sheegtay in 300 oo askari dheeri ah u dirtay Koonfurta Afghanistan si ay Taliban uga waabiyaan xarumaha xukuumadda.
About The Author
