Wararka ka imaanaya gobalka Shabeelada dhexe waxey sheegayaan in saaka duleedka degmada Mahadaay lagu dilay Labo askari oo ka tirsanaay maleeshiyaatka dowlada Ridada Farmaajo.
Labada askari ee la dilay ayaa la xaqiijiyay in markii hore ciidamada Shabaabul Mujaahidiin nolasha ay ku qabteen kuwaasi oo la gala dagay gaari shacab oo ay kusoo dhex-dhuunteen kaasi oo kasoo baxay deegaanka Biyo-cadde kuna sii jeeday dhanka magaalada Muqdisho.
Labadaan askari oo ka wada tirsanaay Guutada Shanaad ee maleeshiyaatka dowlada ayaa lagu kala magacaabi jiray Mowliid Xuseen Qeelshe iyo Shire Maxamuud Xasan.
Ciidamada Xarakada Shabaabul Mujaahidiin ayaa toogtay labadaasi askari kadib markii ay kala soo dageen gaarigii rakaabka ee ay kusoo dhex-dhuunteen askartaasi.
Dilalkan ayaa kusoo aadaya xilli saacadihii lasoo dhaafay ciidamada Shabaabul Mujaahidiin dagaal la’aan ay gudaha u galeen xaafado ka tirsan degmada Mahadaay kadib markii maleeshiyaatka dowlada ay isaga carareen isbaaro u taalay afafka hore ee degmadaasi.
Calamada.com
About The Author
