Faafaahino dheeraad ah ayaa kasoo baxaya qasaaraha kadhashay dagaal saaka aroornimadii hore kadhacay fariisin maleeshiyaadka murtadiinta ay kaga sugnaayeen deegaanka Goof-guduud shabeeloow ee duleedka magaalada Beydhabo.
Maleeshiyaadki laga baacsaday deegaankaasi oo firxadkoodu uu gaaray magaalada Beydhabo ayaa markale soo rogaal celiyay iyagoo si gurmad ahaan ay usoo wateen dhowr kamid ah gaadiidka dagaalka.
Ciidamada mujaahidiinta oo ka war hayay dhaq dhaqaaqa cadowga ayaa weerar kamiin ah ugu dhigay meel aan ka fogeyn magaalada Beydhabo, wararka ayaa sheegaya in ciidamada mujaahidiinta ay halkaasi ku gubeen mid kamid ah gaadiidkii maleeshiyaadka ay wateen oo noociisu ahaa Cabdi bille qori dhishiike ah uu kuxirnaa.
Dagaalka oo sii kululaaday ayay ciidamada mujaahidinta ku qabsadeen 2 gaari oo kale oo nooca Cabdi Bileha ah iyo qoryihii kuxirnaa.
Sarkaal ciidamada mujaahidiinta katirsan ayaa idaacadda Andalus usheegay in dhimashada hor dhaca ah ee la helayo ay dhan tahay ilaa 17 askari oo maleeshiyaadka murtadiinta maamulka Shariif Sakiin kamid ahaa, halka dhaawaca uu intaasi ka badan yahay.
Sidoo kale ciidamada mujaahidinta waxa ay gacanta kudhigeen hub iyo rasaas kuwasi oo inta badan ay ka firxadeen maleeshiyaadkii watay.
Waa qasaarihii ugu badnaa ee maleeshiyaadka ku gaara bilihii ugu dambeeyay dagaalada ay kala kulmaan ciidamada towxiidka ee wilaayada Baay iyo Bakool.
Xigasho Radioandalus24.com
Calamada.com
About The Author
