Wararka ka imaanaya dhulka Soomaalida NFD ee Kenya gumeysato ayaa sheegaya in goordhow uu ka dhacay weeraro khasaara xooggan dhaliyay.
Weerarka ayaa lagu beegsaday kolonyo gaadiid ah oo gelbinayay guddoomiyaha magaalada Mandheere ugu magacaaban dowladda Nasaarada Kenya.
War rasmi ah oo kasoo baxay Xarakada Shabaabul Mujaahidiin ayay ku sheegtay in ay beegsatay gaadiid uu la socday Cali Roobo oo ah guddoomiyaha magaalada Mandheere, sida ay baahisay Idaacadda Islaamiga Andalus guddoomiyaha la weeraray ayaa si dirqi ah ku badbaaday balse waxaa laburburiyay gaari dagaal oo ay la socdeen ciidamo katirsan Booliska Kenya.
Weerarka ayaa ka dhacay meel ku dhow deegaanka Lafeey ee hoostaga degmada Mandheera, sida ay xaqiijiyeen dad goob joogayaal ah gabi ahaanba waxaa burburay gaari dagaal oo ay ciidamo la socdeen.
Dowladda Nasaarada Kenya waxay qiratay in weerarka lagu qaaday Cali Roobo ay ku dhinteen 5 askari oo katitsan ciidamada Booliska ee ilaalada u ahaa guddoomiyaha badbaaday.
Warar hoose ayaa sheegaya in Cali Roobo xilligii la weerarayay uu kusii jeeday deegaan uu ka socday Ololaha doorashada ee Axzaabta siyaasiyiinta Kenya ku mashquulsanyihiin.
Waa weerarkii 2-aad oo maanta oo kaliya ka dhaca gudaha gobolka loo bixiyay ‘Waqooyi Bari’ ee Kenya gumeysato, weerar saaka ka dhacay duleedka deegaanka Libooye waxaa lagu dilay 5 askari balse dowladda Kenya ayaa qiratay dhimashada 3 askari.
About The Author
