Wararka ka imaanaya magaalada Zinjibaar oo ka tirsan gobalka Abyan ee dhaca dhanka Konfur Bari dalka Yemen waxey sheegayaan in qarax culus uu ka dhacay gudaha magaaladaasi.
Qaraxa oo loo adeegsaday miinada dhulka lagu aaso ee meelaha fog laga waxaa lala beegsaday ciidamo Roondo ku jiray oo ka tirsan kuwa Calooshood u shaqeystayaasha ah ee ay tababartay dowlada Imaaraatka Carabta oo ka mid ah dowladaha isbaheysiga ah ee ku duulay dalka Yemen.
Warbaahinta Yemen waxey xaqiijiyeen in qaraxaasi uu sababay dhimasho iyo dhaawac ah oo soo gaartay maleeshiyaatka maamulka dabo dhilifka Yemen.
Dhanka kale weerar dhabba gal ah oo ka dhacay agagaarka deegaanka Al-ceyn ee gobalka Abyan waxaa lala beegsaday kolanyo ka tirsan maleeshiyaatka Calooshood u shaqeystayaasha Imaaraatka tababaray.
Wararkii ugu dambeeyay ee kamiinkaasi waxey sheegayaan in kamiinkaasi lagu dilay taliyihii Degmada Al Wade’a ee maleeshiyaatka Yemen gaar ahaan qeybta ay Imaaraatka tababartay ee ku sugan degmadaasi.
Sarkaalkan kamiinka lagu dilay waxaa lagu magacaabi jiray Cabdul Xakiim Cumeyr kaasi oo lala dilay qaar ka mid ah maleeshiyaatka isaga ilaalada u ah.
Weerarka qaraxa ah iyo midka Kamiinka ah waxaa labaduba mas,uuliyadooda sheegtay Mujaahidiinta Ansaaru Shareecah ee taabacsan Mujaahidiinta Al-qaacidah ee dhulka Jaziiratul Carab.
Calamada.com
About The Author
