Wararka laga helayo gobalka Gedo ee dhanka Konfur Galbeed dalka Soomaaliya waxey sheegayaan in fiidkii hore ee caawa tiro madaafiic ah lagu garaacay saldhig ciidamada Kufaarta Xabashida Itoobiya ay ka sameysteen qeybo ka mid ah gobalkaasi.
Ciidamada Xarakada Shabaabul Mujaahidiin qeybta jugta culus ayaa la xaqiijiyay in dhowr madfac ay ku dhufteen saldhiga ciidamada Xabashida Itoobiya ay ka sameysteen duleedka degmada Baardheere.
Jugta madaafiicda waxaa si aad ah looga maqlayay xaafadaha kala duwan ee Baardheere iyo qaar ka mid ah deegaanada hoostaga magaaladaasi,waxeyna madaafiicda gudaha u galeen saldhigaasi.
Madaafiicdan lagu garaacay saldhiga Ciidamada Xabashida Itoobiya ee Baardheere waxey kusoo aadeysaa xilli barqo nimadii maanta tiro madaafiic ah lagu garaacay saldhiga ciidamada dowlada Ridada Jabuuti ay ka sameysteen degmada Jalalaqsi ee gobalka Hiiraan.
Calamada.com
About The Author
