Wararka ka imaanaya wadanka Afghanistan ayaa sheegaya in dagaallo culus kadib ay ciidamada Mujaahidiinta Imaarada Islaamiga Afghanistan ay si buuxda ula wareegeen degmo muhiim ah oo katirsan gobolka Paktia ee Bariga Afghanistan dhaca.
Wariyaal ayaa soo sheegay in boqolaal dagaalyahan oo si aad ah u hubeysan ay qabsadeen degmada Jani Khel , goob joogayaal ayaa sheegay in xoogaga islaamiga ah ay la wareegeen gacan ku heynta saldhigga booliska degmada iyo xarumaha maamulka kadib markii ciidamadii xukuumadda ay ufirxadeen dhanka gobolka Khost oo kaabiga ku haya magaalada Jani Khel.
Telefeshinak ToloNews ee xukuumadda taageera oo soo xiganaya sarkaal dowladda katirsan ayaa xaqiijiyay in magaalada Jani Khel ay noqotay degmadii 5-aad oo Afar maalmood gudahood ku dhacda gacanta Taliban.
Wararka ayaa intaasi ku daraya in xoogaga Taliban ay gacanta ku dhigeen magaalooyin hor leh oo katirsan gobolka Goor iyo Faariyaab halka ay cadaadis ku hayaan magaalooyinka fara kutiriska ah ee xukuumaddu ka maamusho gobolka Helmand ee Koonfurta Afghanistan dhaca.
Weerar khasaara badan dhaliyay oo shalay ka dhacay magaalada Kabul ayay mas’uuliyaddiisa sheegatay Taliban oo ah awood aan la loodin Karin islamarkaana dagaal ba’an kula jirta xulufada isbahaysiga NATO hoggaaminayo.
About The Author
