Xilli Itoobiya ay wali ku mashquulsan tahay dhameystirka mashruucii ay ku leexineysay biyaha wabiga Shabelle kaasoo saameyntiisa la dareemay jiilaalkii lasoo dhaafay, ayaa waxay mar kale iyada iyo Kenya ku heshiiyeen iney leexiyaan biyaha wabiga Jubba.
Kenya oo haatan heysa hogaanka ururka Igad iyo ra’iisulwasaaraha Xabashida ayaa bankiga adduunka ee IMF iyo midowga Yurub horay uga codsaday bixinta dhaqaalaha ku baxaya mashruucan lagu cuna qabateynayo ummada muslimka ah ee Soomaaliyeed, waana laga aqbalay.
Mashruucan ayaa waxaa laga leexinayaa Wabiga Daawa oo ah halka uu biyaha ka helo wabiga Jubba, iyadoo si gaar ah biyo xireenka looga sameynayo magaalada Mandheera oo kamid ah dhulka Soomaaliya ee ay Kenya gumeysiga ku heysato.
Qorshahan ayaa wuxuu saamen xooggan ku yeelan karayaa wax soo saarka beeraha wadanka, gaar ahaan jubooyinka iyo Gedo oo aan ognahay in miraha kasoo baxa ay ka faa’iideystaan inta badan gobolada wadanka.
Arrintan ayaa waxaa la xaqiijiyay in madax ka tirsan DF wax ka ogyihiin, waxaana jira mashruuc kale oo lagu dhisayo buundo weyn oo isku xiri doonta labada wadan ee Kenya iyo Itoobiya si ay marin ugu noqoto kheyraadka Soomaaliya ee la boobayo.
Markii ay dowladahan ku fashilmeen iney Soomaaliya ku qabsadaan awood millatari ayaa waxay billaabeen iney dagaalkooda u weeciyaan dhanka cuuriyaaminta dhaqaalaha, si ummadu u baahato una noqoto mid gacnaha u hoorsata cadawgeeda, markaasoo ay suurta gal tahay in dalka la qabsado.
Madaxweynihii hore ee Kenya Daniel Arab Mio ayaa sannadkii 2004 jaamacad ku taalla dalka Mareykanka ka sheegay in Kenya iyo Itoobiya ay ku heshiiyeen inaaney Soomaaliya dib dambe dowlad uga dhalan, waxaana haatan ay ka faa’iideysanayaan dowladda maqaar saarka ah ee dalka ka jirta taasoo ay iyagu kaalin mug leh ku leeyihiin yabyabideeda.
Xigasho Telegramka-Radioalfurqaan.
Calamada.com
About The Author
