Wararka laga helayo dalk Maali waxey sheegayaan in qeybo ka mid ah dalkaasi ay ka dhaceen Dhowr weerar oo lala beegsaday ciidamada dowladaha ku duulay dalkaasi iyo sidoo kale kuwa ilaalada xuduudaha ee dowlada daba dhilifka Maali.
Weerarka Kowaad oo loo adeegsaday qaraxyo waxa uu mid ka mid ah qaraxyadaasi ka dhacay wadada isku xirta magaalooyinka Menka iyo Ansongo oo ah magaalooyin dhaca dhanka Waqooyi ee dalka Maali.
Qaraxan waxaa lala beegsaday gaari gaashaaman oo ay la socdeen ciidamo ka tirsan kuwa Nabad ilaalinta qaramada midoobe ee ku duulay dalka Maali,miinada ayaa burburisay gaariga ay haleeshay,tiro askar oo gaariga la socotay dhimasho iyo dhaawac ayeey ku noqdeen.
Qaraxa Labaad waxaa lala beegsaday gaari ay la socdeen ciidamada dowlada Maali qeybta qaabilsan ilaalinta Xuduudaha waxaa qaraxan lala beegsaday xilli ay marayeen agagaarka Tuulada Saay ee Mandiqadda Mopti ee dalkaasi.
Qaraxan ayaa sababay burburka mid ka mid ah gaadiidka dagaalka dowlada Maali iyo dhaawaca tiro askar ah oo ka tirsan ciidamada Ilaalada Xuduudaha Maali.
Weerarka Labaad oo ahaa dagaal toos ah waxaa lagu qaaday Bar-control oo ciidamada dowlada Maali ay ka sameysteen deegaanka Asengo ee Waqoyga Maali.
Ragga hubeysan ee weerarkan qaaday ayaa gabi ahaan la wareegay gacan ku heynta goobta ay weerareen waxeyna halkaasi ku dileen tiro ka tirsan maleeshiyaatka Maali,iyagoona halkaasi ka qaatay gaari ciidan iyo hub fara badan oo ciidamada Xukuumada Maali kaga carareen saldhigaasi.
Sidoo kale weerar ayaa ka dhacay saldhig ku yaala deegaanka Mowrjih oo ah deegaan dhaca Waqooyga Maali waxaa dagaalkan si gaar ah loogu qaaday saldhig deegaankaasi ay ka sameysteen ciidamada Nabad ilaalinta isku sheegay ee ku duulay dalkaasi.
Weerarkan ayaa sababay dhimashada iyo dhaawaca Tobaneeyo ka tirsan ciidamada dowladaha kala duwan ka socday ee Maali ku duulay sidoo kale ragga weerarkan fuliyay waxey gubeen saddex gaari oo noocyada dagaalka ah iyo saldhigii ay weerareen.
Sidoo kale waxey furteen oo ay qaateen gaari dagaal iyo bakhaarkii hubka ee saldhigaasi,sidoo kale qarax ka dhacay deegaan ku yaala duleedka magaalada Menka waxaa ciidamada Nabad ilaalinta gaalada Midowday looga gubay gaari ciidan tiro askar ahna waa looga dilay.
Mu,asasada Az-zallaaqah ee garabka Warbaahineed ee Mujaahidiinta Jamaacada U Nusreynta Islaamka iyo Muslimiinta ee Taabacsan Mujaahidiinta Al-qaacidah ee dhulka Magribul Islam ayaa baahisay Bayaan kasoo baxay Jamaacada.
Bayaankan ayeey Jamaacada U Gargaaridda Islaamka Iyo Muslimiinta ku sheegatay Mas,uuliyadda weeraradan aan kor kusoo xusnay waxeyna Jamaacada wacad ku martay iney sii kordhineyso weerarada ka dhanka ah ciidamada Maali,Faransa iyo kuwa dowladaha Afrika ka socda ee ku duulay dalkaasi.
Calamada.com
About The Author
