Maleeshiyaatka dowlada Farmaajo waxey saacadihii lasoo dhaafay qof shacab ah si bareer ah ugu dileen qeybo ka mid ah degmada Hilwaa ee magaalada Muqdisho.
Maleeshiyaatka Murtadiinta ayaa wiilkan dhalin yarada ah oo lagu magacaabo Abshir Cabdullaahi ku dhex dilay gudaha saldhiga degmada Hilwaa,iyadoona warar dheeraad ah ay kasoo baxayaan sababta maleeshiyaatka dowlada u dileen qofkaasi shacabka ah.
Qaar ka mid ah ehelada wiilkan dhalinyarada ah ayaa warbaahinta u sheegay in markii hore maleeshiyaatka dowlada ay saldhiga uga yeereen Abshir iyagoona u sheegay in dacwo loo heysta.
Abshir ayaa markii uu yimid saldhiga waxey maleeshiyaatka dowlada u sheegeen inuu maqanyahay qofkii soo dacweystay lagana doonayo inuu saldhiga sii jooga inta uu ka imaanayo qofka soo dacweystay.
Abshari ayaa diiday inuu saldhiga sii jooga waxaana uu isku dayay inuu baxa basle taliyaha saldhiga ayaa ku amray maleeshiyaatka iney toogtaan Abshir halkaasi ayeeyna rasaas ooda uga qaadeen taasi oo sababtay inuu Abshir isla goobta ku geeriyooda.
Warar hoose ayaa sheegaya ineysan jirin qof Abshir soo dacweysatay balse taliyaha saldhiga ayaa doonayay inuu diyaariyo qof dacwo been ah kusoo oogta Abshir si loo xira ugu dambeyntiina Eheladiisa laga gato oo laga qaado lacag Kumanaan doolar oo baad ah.
Calamada.com
About The Author
