Tvga CNN ee laga leeyahay dalka Maraykanka ayaa booqday xabsiyada ku yaala dalka Maraykanka ee lagu xiro dad Ameerikaanka ah ee loo qabto kiisas kala duwan oo ka dhan ah dastuurka dalkaas, kuwaas oo marka Xabsiyada ay galaan qaadanaya diinta Islaamka.
Maxaabiista ayaa xabsiyada gala iyagoo Nasaar ah, qaarkood maba heystaan wax diin ah, balse marka ay Xabsiyada galaan ayaa Allaah hanuuniyaa, iyagoona noqda dad Multizimiin ah oo diinta Islaamka qaatay.
Muuqaal kooban oo horudhac ah ayuu baahiyay tvga CNN, waxaana lagu arkayaa tobanaan maxaabiis ah oo qaatay diinta Islaamka, kuwaas oo garka deystay, islamarkaana duruus sharci ah isku dhigaya.
Waxaa la arkayaa iyagoo Maxaabiistu si jamaaci ah u gudanaya Salaadaha, taas oo ay soo bandhigeyso Kaamirada CNN.
Wariyada booqatay Xabsiga ayaa su’aal waydiineysa maxaabiista oo ah inta qof ee Muslim ka ah, waxaana intooda ugu badan ay taagayaan gacanta.
Mid kamid ah Maxaabiista oo la waydiiyay waxa Maxaabiista ku dhaliyay iney qaataan Islaamka ayaa sheegay in Islaamku uu ogolaanayo iney noqdaan rag dhab ah.
Maxbuus kale ayaa Muxaadaro u jeedinaya maxaabiista kale, wuxuuna sheegayaa in Islaamka uu qof banii aadamka ahi uu bedelo, islamarkaana qalbigiisa nadiifiyo.
Muuqaalkan oo la filayo in saacadaha soo socda uu baahiyo Tvga CNN ayaa la filayaa in lagu soo gudbiyo sheekooyin xiiso badan iyo waraysi dhaadheer oo maxaabiista lala yeesho, waxaana arintan ay tahay mid farxad leh.
Inta badan Maxaabiista ku xiran xabsiyada Maraykanka ee gaalada ah ayaa loo qabtaa falal dembiyeedyo ay ku kaceen sida iyagoo dad dilay, iyagoo Drugs mamnuuc ah soo geliyay dalka, iyo arimo kale.
About The Author
