War rasmi ah oo kasoo baxay wasaaradda arrimaha dibadda Dowladda Mareykanka ayaa lagu sheegay in khatar dhanka ammaanka ah ay ka jirto Soomaaliya sidaas daraadeed muwaadiniinta American-ka ah looga digayo in ay usafraan Soomaaliya.
Mareykanku wuxuu dadkiisa si gaar ah uga digay in ay tagaan deegaannada ay ka taliyaan maamullada ‘Somaliland’ iyo ‘Puntland’ oo la sheegay in ay kajiraan kooxo Burcad Badeed ah.
Sidoo kale wasaaradda arrimaha dibadda Mareykanka waxay sheegaysaa in kooxo ay ugu yeertay Argagaxiso ay bartilmaameedsan karaan muwaadiniinta Mareykanka haddii ay socdaallo ku tagaan dalka Soomaaliya.
Digniintan ayaa imaanaysa xilli Xarakada Al Shabaab ay sare uqaadday weerarada qaraxyada iyo dilalka ah ee ay ka geysanayso magaalooyin dhaca Koofurta,bartamaha iyo waqooyi Bari dalka Soomaaliya.
About The Author
