Tobanaan qof shacab ah ayaa ku dhintay duqeymmo bahalnimo ah oo diyaaradaha dagaalka Ruushka iyo kuwa Nidaamka Bishaar Al-asad ay geysteen wadanka Suuriya.
Gobolka Idlib ee waqooyiga Suuriya dhaca waxaa lagasoo sheegayaa xasuuq aad udaran oo ay geysanayaan Ruushka iyo ciidamada Nidaamka Nuseyriga ah.
Waxaa Burburay isbitaallo kuyaal magaalooyinka Mucarratu Nucmaan iyo Kafra Nubal dhimashaduna waxay sii caga cageynaysaa 40 qof sida ay sheegeen saraakiisha caafimaadka.
Duqeymaha ugu khasaaraha badan waxay ka dhaceen deegaanka Ghuudada Bari oo dhaca duleedka magaalada Dimishiq, duqeymo aan kala joogsi laheyn oo diyaaradaha Ruushka ay ka geysteen magaalada waxaa ku dhintay 63 qof oo dhammaantood shacab ah.
Dowladda Ruushka ayaa geysanaysa xasuuq aan loo meel dayin sidaas oo ay tahay wax cadaadis ah kala kulmi mayso waxa loogu yeero Q.Midoobe iyo dowladaha carabta ee Suuriya dariska la ah.
Dadka Suuriya lagu xasuuqay laba maalmood gudahood waxay ka badanyihiin 100 qof shacab ah, duqeymahaan ayaa imaanaya maalmo yar kadib markii diyaarad dagaal dowladda Ruushka loogasoo riday waqooyiga wadankaas islamarkaana ladilay duuliyihii diyaaradda.
About The Author
