Wararka ka imaanaya wadanka Mareykanka ayaa sheegata toogasho khasaara dhalisay ay ka dhacday mid kamida xarumaha ugu waaweyn ee wakaaladda amniga Qaranka Mareykanka.
Ugu yaraan sedax qof ayaa dhaawacmay kadib markii tacshiirad lagu furay dhismaha wakaaladda Ammaanka Mareykanka faraceeda weyn ee gobolka Maryland.
Saraakiisha booliska ayaa sheegay in ruux watay gaari Muraayado madoow leh uu toogashada geystay, sawirro ay faafisay shabakadda CBS News ayaa muujinayay gaari taagan albaabka xarunta wakaaladda qeybta Fort Meade iyo ciidamo boolis ah oo hareer taagan.
Madaxweynaha Mareykanka Donald Trump ayaa la sheegay in uu si dhow ula socday waxa ka dhacay xarunta wakaaladda, goobta weerarku ka dhacay ayaa xasaasiyad gaar ah leh sababtoo ah waa xarunta lagu keydiyo siraha ammaanka gaarka ah ee Mareykanka.
illaa iyo hadda lama oga in weerarkaas uu ahaa mid ay ku lug leeyihiin dad muslimiin ah iyo in uu lamid yahay weerarada caadiga ah ee sida joogtada ah uga dhaca gudaha Mareykanka.
About The Author
