Ganacsatada magaalada Muqdisho oo maalmihii lasoo dhaafay wajahayay culeys adag oo ay kala kulmayeen DF ayaa sheegay inaaney wax natiijo ah kasoo bixin wada hadal u socday iyaga iyo wasiirka Maaliyadda.
Shir jaraa’id oo ay ku qabteen gobolka Banaadir ayaa waxa ay ku sheegeen in wasiirka Maaliyadda uu ku adkeystay go’aankiisii ahaa in tujaartu bixiyaan canshuurta xad dhaafka ah.
Ummada Soomaaliyeed ayaa waxay u cadeeyeen in la isku mari waayay shirka islamarkaana wasiirka maaliyadda uu diiday in loo dhimriyo bulshada tabaaleysan ee magaalada Muqdisho iyo ganacsatada ku shaqeysa duruufaha adag ee ay tartanka kula jiraan shirkadaha ajaanibta ah.
Ganacsatada ayaa waxay ku calaacaleen in ay mar walba wax ka qabtaan adeegga bulshada iyo dhismaha wadooyinka islamarkaana aaney mudnayn sida ay dowladdu ula dhaqmeyso.
Ugu dambeyntii waxay u cawdeen madaxda DF oo iyagu ah kuwa ka dambeeya istaraatiijiyadda lagu cuuryaaminayo ganacsiga Soomaalida oo ah isha kaliya ee ay dadku ku noolaayeen.
Wasiirka maaliyadda ayaa horey ganacsatada ugu hanjabay in haddii ay bixin waayaan canshuurta dheeraadka ah loo diidi doono dekedda Muqdisho, taa badalkeedana ay ku qasbanaan doonaan iney aadaan dekedda magaalada Kismaayo oo masaafo badan u jirta magaalada Muqdisho.
Halkan Ka Degso Ganacsatada gobolka Banaadir
About The Author
