Weerar gaar ah oo ka dhacay qeybo ka mid ah gobalka Qandahaar ee Konfurta dalka Afghanistan waxaa khasaara culus lagu gaarsiiyay maamulka daba dhilifka Kaabul oo ah maamulka dowlada Saliibiyadda Mareykanka ay ka dhisatay dalka Afghanistan.
Ciidamada Mujaahidiinta Imaarada Islaamiga Afghanistan oo fuliyay weerarkan gaarka ah ayaa si toos ah u beegsaday oo weerar dhabba gal ah u dhigay kolanyo ka tirsan maleeshiyaatka maamulka daba dhilifka Kaabul oo ku socdaalayay agagaarka deegaan hoostaga degmada Shawili-kot ee gobalka Qandaahr.
Imaarada Islaamiga Afghanistan ayaa xaqiijisay in ciidamada Mujaahidiinta ay howlgalkan gaarka ah kusoo qabteen Toban iyo Todobo isugu jirta askar iyo saraakiil ka tirsan maamulka daba dhilifka Kaabul,kolanyada Kamiinka loo dhigay ayaa ka koobnaay Afar Gaadiid oo noocyada dagaalka ah.
Saraakiisha lagu qabtay nolasha waxaa ka mid ah Afhayeenka gudoomiyaha maamulka daba dhilifka Kaabul ugu magacaaban gobalka Aruzjan,sidoo kale ciidamada Mujaahidiinta waxey gacanta ku soo dhigeen gaadiidkii iyo hubkii ay wateen saraakiisha iyo askarta nolasha lagu qabtay.
Sidoo kale Qoraalka Imaarada Islaamiga Afghanistan ayaa lagu xaqiijiyay in saraakiisha iyo askarta nolasha lagu qabtay la geeyay oo imika lagu hayo goob Amaan ah oo ay gacanta ku hayaan ciidamada Mujaahidiinta Imaarada Islaamiga Afghanistan.
Calamada.com
About The Author
