Xaalad cakiran ayaa ka jirta inta badan xarumaha dowladda Federaalka magaalada Muqdisho kadib markii ciidamo daacad u ah Max’med Cismaan Jawaari ay qabsadeen dhismaha xarunta Baarlamaanka.
Boqolaal maleeshiyaad ah oo kala taageersan madaxda Dowladda Federaalka ayaa isku gedaamay dhismaha xarunta Baarlamaanka oo lafilayo in uu ka dhaco kulan codka kalsoonida loogu qaadayo Jawaari.
Goob Joogayaal ayaa sheegay in maleeshiyaadka guddoomiyaha Baarlamaanka ay jirdil ku sameeyeen Col.Cabdullaahi Cali Caanood oo ku magacaaban Abaanduulaha ciidamada xoogga.
ilaalada Jawaari ayaa hub ka dhigis ku sameeyay ciidamadii istaafka u ahaa Caanood kadibna jirdil iyo aflagaado ayay kula dhaqaaqeen sida ay sheegeen wariyaal ku sugan afaafka hore ee xarunta Baarlamaanka.
Xildhibaanada Taageersan Jawaari ayaa lagu arkayay gudaha dhismaha Baarlamaanka iyagoo ku qeylinaya Laaluush qaatayaal dooni maynno iyo erayo kale.
Tobaneeyo gaadiid Tikniko ah oo ay wataan saraakiisha ilaalada madaxtooyada iyo xafiiska R/wasaaraha ayaa lagu arkayay iyagoo kusii jeeda xarunta xiisadaha colaadeed ka taaganyihiin ee Baarlamaanka.
Dhanka kale ciidamada Kufaarta Afrikaanta iyo maleeshiyaatka Murtadiinta ayaa maanta xiray qaar ka mid ah wadooyinka ugu muhiimsan magaalada Muqdisho,iyagoona dadka iyo gaadiidka shacabka u diiday isticmaalka wadooyinkaasi.
About The Author
