Diyaaradaha nidaamka Nuseyriyada Bashaar Al-Asad ayaa duqeymo cadowtooyo oo waaweyn waxay ku garaaceen magaalada Duuma oo ah magaalada keliya ee ay kaga soo hareen Quudhada bari kacdoon wadayaasha.
Duqeymo saacadihii lasoo dhaafay ka dhacay magaalada Duuma waxaa ku shahiiday ugu yaraan 45 Ruux oo shacab ah, waxaana inta badan duqeymuhu beegsanayeen goobaha dadka shacabka ah.
Duqeymahan waxay yimaadeen xilli ay fashilmeen wadahadalo u dhexeeyay dowladda Ruushka iyo koox kamid ah mucaaradka oo gacanta ku heysa magaalada Duuma.
Dhamaan magaalooyinka Quudhada bari marka laga reebo magaalada Duuma waxaa hadda gacanta ku dhigay malleeshiyaadka Nidaamka Nuseyriyada oo kaashanaya kuwa Ruushka, waxaana jira tobanaan ruux oo kamid ah dadka shacabka ah ee ku haray qaar kamid ah deegaannada Quudhada bari oo Nidaamku u dhaadhiciyay Xabsiyada sumcada xun ee lagu tacdiibiyo dadka Muslimiinta.
About The Author
