Saacadihii lasoo dhaafay rag hubeysan waxay degmada Hodan ku dileen mid kamid ah shaqaalaha xafiiska Ra’iisul wasaaraha dowladda Xassan Cali Kheyre.
Aweys Cumar Cabdi oo kamid ahaa howlwadeennada xafiiska Ra’iisul wasaaraha ayaa fiidkii xlaay waxaa rag katirsan Xarakada Mujaahidiinta Al-Shabaab ku heleen xaafadda Taleex ee degmada Hodan, halkaas ayaana lagu dilay.
Dhowr xabadood ayaa Aweys kaga dhacday qeybaha sare ee jirkiisa, waxaana durba uu ku quur baxay goobta, iyadoona goobta isaga tageen raga dilka geystay oo katirsanaa guutooyinka sida firfircoon uga howlgala magaalada Muqdisho, kana tirsan Xarakada Mujaahidiinta Al-Shabaab.
Dilka Sarkaalkan ayaa imaanaya iyadoo dowladda federaalku sheeganeyso iney sugtay amaanka magaalada Muqdisho.
Dhanka kale ciidamo katirsan Xarakada Mujaahidiinta Al-Shabaab ayaa weerar toos ah waxay ku qaadeen fariisin ay ku sugnaayeen ciidamo katirsan dowladda oo ku yaala Ceelasha-biyaha duleedka Muqdisho.
Dagaalka oo in muda ah socoday ayaan la ogeyn khasaaraha ka dhashey.
About The Author
