Warar dheeraad ah ayaa kasoo baxaya shaqaaqoo khasaara dhalisay oo maanta ka dhacday deegaan dhanka galbeed uga beegan magaalada caasimadda ah ee Muqdisho.
Wararka ka imaanaya deegaanka Siinka dheere ee duleedka Muqdisho ayaa sheegaya in ciidamo katirsan DF-ka ay dhibaata ka geysteen xaafadda Albirri halkaas oo ay ku toogteen illaa iyo laba qof shacab ah.
Dad goob joogayaal ah ayaa sheegay in ciidamadu rasaas ladhaceen dad mudaaharaad ka dhigayay deegaanka.
illaa Sedax qof ayaa la xaqiijiyay in ay ku dhinteen rasaasta ay ciidamadu fureen balse qof kale ayay ciidamadu toogasho ku dileen.
Dadka deegaanka ayaa sheegay in ciidamada Dowladda ay dhibaato Xooggan ay kula kaceen Dadka Shacabka ah ee ku sugan Xaafadda Al-biri,islamarkaana ay halkaas ku dileen Haweenay da’ah oo aan waxba galabsan.
Wararka ayaa intaas ku daraya in ciidamada DF-ka ay dhul boob ka wadaan xaafadda Albirri, wararkii ugu dambeeyay waxay sheegayaan xiisado kacsanaan ah ay caawa ka jiraan deegaankii maanta shaqaaqadu ka dhacday.
About The Author
