Xukun xad gacan goyn ah oo lagu fuliyay nin lagu eedeeyay inuu xatooyo ka geystay goob ganacsi ayaa maanta oo Sabti ahayd, ka dhacay wilaayada islaamiga ah ee Shabeelaha hoose.
Boqollaal dad weyne ayaa soo xaadiray fagaaraha uu xukunka ka dhacayay oo ku yaalla degaanka Kuunyo Barrow, iyagoo ka hor xadka ka faa’iideystay muxaadaro kooban oo uu jeediyay mid kamid ah culimada diinta islaamka.
Intaasi kadib Garsooraha ayaa waxa uu sheegay in maxkamdda degaanka Farsooley ee degmada Qoryooley ay soo gaartay dacwad ka dhan ah ninka lagu magacaabo Maadey C/qaadir Cali (Daniyoow) oo 24 jir ah islamarkaana deggan tuulada Dharkeenley, oo hoos tagta degmada Qoryooley.
Sida uu qaadigu sheegay, Maadey, ayaa lagu eedeeyay inuu Jabsaday Farmashiye ku yaalla degaanka Farsooley ee isla degmada Qoryooley kana qaatay lacag dhan hal Milyan oo shilinka Soomaaliga ah, Telefoon iyo kabo Saandal ah.
Intaasi kadib, Maadey ayaa qirtay dhammaan eedeymahaasi markii uu Maxkamadda islaamiga ah hor yimid, sidaa darteed ayuuna qaadigu ku riday xukun Xadu sariqa ah (Gacan goyn ah) isla fagaarihii ayaana lagu fuliyay.
Maadey, ayaa waxaa laga jaray gacanta midig, waxaana ay dad weynuhu ku dhawaaqayeen Takbiirta iyagoo si aad ah ugu faraxsanaa xukunka.
Dhulka ay ka taliso Xarakada Mujaahidiinta Al-Shabaab, waxaa ka jira Nabad iyo Ammaan, sababtoo ah waxaa looga dhaqmaa Shareecada islaamka. Dhulkan isaga ah kama jirto isbaaro, kuma arkeysid qabyaalad, dad loo awood sheegtay, kama jiro fisiq iyo muqaadaraad.
Halkan Ka Dhageyso Qaadiga oo Xukunka Ridaya
About The Author
